Browse by year:


Competition

Samkeppnismál: ESA minnir á varnaðaráhrif sekta fyrir Landsrétti

20.9.2018

PR(18)23 – Icelandic version

EN | IS

Eftirlitsstofnun EFTA (ESA) hefur sent Landsrétti skriflegar athugasemdir í máli Byko ehf. og Norvík hf. gegn Samkeppniseftirlitinu og íslenska ríkinu. Málið varðar ákvörðun Samkeppniseftirlitsins frá því í maí 2015 þar sem Norvík hf. var gert að greiða 650 milljóna króna sekt fyrir brot dótturfyrirtækis síns, Byko ehf., á samkeppnisreglum.Landsrettur

ESA lagði einnig fram athugasemdir sínar þegar málið fór fyrir Héraðsdóm Reykjavíkur árið 2016. Nú þegar dómi héraðsdóms hefur verið áfrýjað til Landsréttar telur ESA rétt að árétta þær enda vekur málið upp mikilvægar spurningar varðandi túlkun EES-réttar.

Athugasemdir ESA varða hvenær á að beita samkeppnisreglum EES-réttar (þ.e. þegar aðgerðir geta haft áhrif á viðskipti á evrópska efnahagssvæðinu) og um varnaðaráhrif sekta í samkeppnismálum. Samkeppnisyfirvöldum og dómstólum aðildarríkjanna er skylt að beita samkeppnisreglum EES-réttar þegar málsatvik falla innan gildissviðs EES-samningsins. Þeim ber einnig að tryggja að reglunum sé beitt af skilvirkni.

Í samningnum um stofnun ESA er stofnuninni veitt heimild til að veita ábendingar og leggja fram athugasemdir („amicus curiae“) fyrir dómstólum EFTA-ríkjanna til að stuðla að því að samkeppnisreglum EES-réttar sé beitt með samræmdum hætti. ESA virdir sjálfstæði Landsréttar. Athugasemdir stofnunarinnar eru ráðgefandi fyrir dómstólinn.  

Nánari upplýsingar um amicus curiae má finna hér í upplýsingaskjali

Nánari upplýsingar veitir:

Ásta Sigrún Magnúsdóttir
Upplýsingafulltrúi
Sími: +32 2 286 18 78
Farsími: +32 490 57 63 59




Other EEA Institutions


imgbanner3
This website is built with Eplica CMS