Browse by year:


Internal Market

Innri markaður: Ekki rétt staðið að lögum um endurskipulagningu íslenskra lánastofnana

7.2.2018

PR(18)04 – Icelandic version

EN | IS

Íslensk stjórnvöld hafa ekki innleitt tilskipun um endurskipulagningu og slitameðferð lánastofnana með fullnægjandi hætti. Þetta er niðurstaða rökstudds álits sem Eftirlitsstofnun EFTA (ESA) sendi frá sér í dag.

Winding-up-directive„Eitt meginmarkmiða samningsins um Evrópska efnahagssvæðið er að fyrirtæki og einstaklingar njóti sömu réttinda og réttaröryggis. Grundvöllur þess er fullnægjandi innleiðing og framkvæmd EES löggjafar á öllu svæðinu,“ segir Högni Kristjánsson, stjórnarmaður ESA.

Tilskipunin (2001/24/EB) kveður á um endurskipulagning eða slitameðferð lánastofnana innan Evrópska efnahagssvæðisins (EES). Samkvæmt tilskipuninni ræðst endurskipulagningin af þeirri málsmeðferð, lögum og reglum sem gilda heimaríkinu – þar sem lánastofnunin er skráð.

Í tilskipuninni eru tilgreindar ákveðnar undantekningar frá þessari reglu og mat ESA er að þrjú undantekningarákvæði hafi ekki verið rétt innleidd. Eitt þeirra tiltekur rétt kröfuhafa til að halda því fram að endurskipulagningin eigi að fara fram samkvæmt lögum annars EES ríkis en heimaríkisins. Hin tvö varða greiðslujöfnunarsamninga og rétt til skuldajafnaðar.

Rökstudda álitið sem ESA sendi Íslandi í dag er annað þrepið í samningsbrotamáli gegn íslenska ríkinu. Verði ekki brugðist við innan tveggja mánaða getur ESA vísað málinu til EFTA-dómstólsins.


Nánari upplýsingar veitir:

Anne M. Vestbakke
Samskiptastjóri
Sími: +32 2 286 18 66
Farsími: +32 490 57 63 53




Other EEA Institutions


imgbanner4
This website is built with Eplica CMS