Browse by year:


Internal Market

Innri markaður: ESA vísar tveimur málum gegn Íslandi til EFTA dómstólsins

28.9.2016

PR(16)42 – Icelandic version

EN   | IS

Eftirlitsstofnun EFTA (ESA) ákvað í dag að vísa tveimur málum gegn Íslandi til EFTA dómstólsins þar sem Ísland hefur ekki innleitt EES löggjöf innan tilskilinna tímamarka.

Annars vegar er um að ræða reglugerð sem varðar öryggi og markaðssetningu á forefnum sprengiefna og hins vegar tilskipun um vélar sem notaðar eru til að dreifa skordýraeitri.

Reglugerð 98/2013 varðar reglur um  markaðssetningu og notkun forefna sprengiefna sem hægt er að misnota til ólöglegrar framleiðslu sprengiefna. Tilgangur reglugerðarinnar er að draga úr aðgengi einstaklinga að hættulegum forefnum sprengiefna. Reglugerðin felur meðal annars í sér að seljendum er skylt að tilkynna grunsamleg viðskipti með tiltekin forefni sem og önnur eftirlitsskyld efni. Reglugerðinni er því ætlað að bregðast við hugsanlegri hryðjuverkaógn og auka öryggi varðandi aðgengi að forefnum sprengiefna, sprengjugerðarefnum og tækni sem hryðjuverkamenn gætu misnotað. EFTA-ríkjunum bar að innleiða reglugerðina fyrir 1. ágúst 2015.

Tilskipun 2009/127 er endurskoðun eldri tilskipunar um vélar sem notaðar eru til að dreifa skordýraeitri. Til dæmis sjálfknúnar vélar, vélar sem settar eru í ökutæki og þær sem settar eru í flugvélar til dreifingar. Gildir þetta jafnt fyrir atvinnutæki og tæki til einkanota. EFTA ríkjunum bar að innleiða tilskipunina fyrir 1. júní 2015.

Málaferlin varða EES reglur, sem innleiddar hafa verið í EES samninginn, en hafa ekki tekið gildi að landsrétti innan settra tímamarka.

Vísun máls til EFTA-dómstólsins er lokaskrefið í formlegu samningsbrotamáli ESA á hendur EFTA-ríki. Áður hefur Ísland verið upplýst um afstöðu stofnunarinnar og veittur kostur á að koma röksemdum sínum á framfæri sem og að ljúka málinu með því að innleiða viðeigandi löggjöf innan gildandi tímamarka.

Nánari upplýsingar veitir:

Anne Vestbakke
Upplýsingafulltrúi
Sími. +32 2 286 18 66
Farsími. +32 490 57 63 53




Other EEA Institutions


imgbanner5
This website is built with Eplica CMS