Browse by year:


Internal Market

Innri markaður: Íslandi og Liechtenstein stefnt fyrir EFTA-dómstólinn

8.4.2015

PR(15)14 – Icelandic version

EN | DE | IS

Eftirlitsstofnun EFTA (ESA) ákvað í dag að vísa tveimur málum gegn Íslandi og einu máli gegn Liechtenstein til EFTA-dómstólsins. Málunum er það sammerkt að EFTA-ríkin hafa brugðist skyldu sinni til að innleiða EES-gerðir á réttum tíma

Bæði Ísland og Liechtenstein hafa látið undir höfuð leggjast að innleiða tilskipun 2011/83/ESB um réttindi neytenda (neytendaréttartilskipunin) í landsrétt sinn. Tilskipunin er milvægur hluti af umfangsmiklum reglum sem er ætlað að tryggja rétt neytenda hvarvetna á Evrópska efnahagssvæðinu (EES) og stuðla þannig að virkum innri markaði. Ríkjunum bar að innleiða tilskipunina fyrir 1. febrúar 2014.

Ísland hefur ekki heldur innleitt tilskipun 2009/126/EB um endurheimt bensíngufu. Markmiðið með tilskipuninni er að bæta loftgæði með því að draga úr losun bensíngufu út í andrúmsloftið. Íslandi bar að innleiða tilskipunina fyrir 1. febrúar 2014.

Vísun máls til EFTA-dómstólsins er lokaskrefið í formlegu samningsbrotamáli á hendur EFTA-ríki. Áður en kemur til þess hefur Ísland verið upplýst um afstöðu ESA og gefinn kostur á að koma á framfæri röksemdum sínum sem og að ljúka málinu með því að innleiða viðeigandi löggjöf.  

 

Nánari upplýsingar veitir:

Andreas Kjeldsberg Pihl
Upplýsingafulltrúi
Sími. +32 2 286 18 66
Farsími. +32 492 900 187

 




Other EEA Institutions


imgbanner2
This website is built with Eplica CMS