Browse by year:


Internal Market

Innri markaður: Umhverfismat fyrir EFTA dómstólinn

24.10.2018

PR(18)29 – Icelandic version

EN | IS

Íslensk stjórnvöld hafa ekki leitt í lög EES tilskipun 2014/52 vegna ferla í umhverfismati. Eftirlitsstofnun EFTA (ESA) hefur því ákveðið að vísa málinu til EFTA dómstólsins.

„Umhverfismál eru mikilvægur hluti af EES samstarfinu, það er brýnt að íslensk löggjöf verði uppfærð sem fyrst,“ segir Högni S. Kristjánsson, stjórnarmeðlimur ESA.

Í umhverfismati eru tekin til greina áhrif framkvæmda á umhverfið og eru niðurstöður þess notaðar til að taka ákvarðanir um hvort leggja skuli í fyrirhugaðar framkvæmdir. Tímafrestur til að innleiða reglugerðina rann út þann 16. maí 2017 en tilskipunin mælir fyrir um að málsmeðferðarferli sem hafist hefur fyrir þann tíma fari samkvæmt þeim reglum er giltu fram að þeim tíma. ESA og íslensk stjórnvöld hafa rætt málið ítrekað frá því að fresturinn rann út.

Tilskipunin 2014/52/EES skilgreinir ferla í umhverfismati og tryggir viðeigandi mat á framkvæmdum og öðrum verkefnum, á vegum hins opinbera eða einkaaðila, sem líkleg eru til þess að hafa teljandi áhrif á umhverfið áður en leyfi eru veitt. Tilskipunin uppfærir og einfaldar núverandi regluverk umhverfismats og gerir stjórnvöldum kleift að bæta umhverfisvernd á Íslandi.

Þegar ESA vísar málum til EFTA dómstólsins er það lokaskrefið í formlegu samningsbrotamáli. Íslandi hefur áður verið gefinn kostur á að koma röksemdum sínum á framfæri sem og að ljúka málinu með því að innleiða tilskipunina innan gildandi tímamarka.

Nánari upplýsingar veitir:

Ásta Sigrún Magnúsdóttir
Upplýsingafulltrúi
Sími: +32 2 286 18 78
Farsími: +32 490 57 63 59

 




Other EEA Institutions


imgbanner3
This website is built with Eplica CMS