Browse by year:


Internal Market

Lagt að Íslandi að breyta skilyrðum um búsetu

11.12.2019

PR(19)37 - Icelandic version

EN | IS

Ísland þarf að breyta reglum sem skylda stjórnarmenn og framkvæmdastjórn félaga til þess að vera ríkisborgarar eða búsettir í EES ríki. Þetta er niðurstaða rökstudds álits ESA sem birt var í dag.

Á grundvelli viðurkenndrar dómaframkvæmdar og samningsbrotamáls um sama efni sem áður var til meðferðar telur ESA þessi skilyrði brjóta gegn grundvallarreglum EES réttar um staðfesturétt.

Ísland gerir þá kröfu að framkvæmdastjórar og stjórnarmenn félaga með staðfestu á Íslandi þurfi að vera ríkisborgarar EES ríkis eða búsettir þar. Með þessu takmarkar Ísland frelsi félaga annarra EES ríkja til þess að ákvarða með frjálsum hætti hvernig stjórn þeirra skuli skipað. Þetta getur þvingað fyrirtæki til þess að breyta núverandi samsetningu framkvæmdastjórnar eða stjórnar þess.

Þessi skilyrði skapa einnig takmarkanir fyrir félög annarra EES ríkja sem vilja hefja starfsemi á Íslandi í gegnum skrifstofur, útibú eða dótturfélög, enda geta þau ekki valið stjórn með frjálsum hætti og skipað þá einstaklinga sem þau helst kjósa sér.

Ríkisborgararéttur og búsetuskilyrði eru almennt ekki viðeigandi gildi til þess að meta hæfi og getu framkvæmdastjórnar og stjórnarmanna. Af þeirri ástæðu eru til staðar strangar reglur innan EES réttar ásamt athugunum fyrir slíka einstaklinga í viðkvæmum geirum líkt og fjármálageiranum.

Hvernig ESA rannsakar

ESA sendi Íslandi formlegt áminningarbréf um ofangreint í nóvember 2015 og í dag er næsta skrefið tekið í meðferð samningsbrotamáls með því að senda frá sér rökstuttálit . Loks getur ESA vísað málinu til EFTA dómstólsins ef Ísland uppfyllir ekki samningsskuldbindingar sínar innan tveggja mánaða.

Nánari upplýsingar veitir:

Øystein Solvang
Samskiptastjóri
mob. +32 490 57 63 53




Other EEA Institutions


imgbanner5
This website is built with Eplica CMS