Browse by year:


Internal Market

Réttindi starfsmanna við aðilaskipti að fyrirtækjum - PR(10)40

7.7.2010

Eftirlitsstofnun EFTA (ESA) ákvað í dag að loka máli gegn Íslandi í kjölfar þess að 15. júní sl. breytti Alþingi lögum nr. 72/2002 um réttarstöðu starfsmanna við aðilaskipti að fyritækjum.


Lögunum er ætlað að tryggja réttindi starfsmanna við aðilaskipti að fyrirtækjum, þ.m.t. við sölu þeirra eða leigu. Við slíkar breytingar flytjast réttindi starfsmanna samkvæmt ráðningarsamningi til þess aðila sem við rekstrinum tekur. Tilskipun[1] sem lögin eru byggð á hefur verið túlkuð m.a. af Evrópudómstólnum á þann veg að kröfur starfsmanna vegna vangoldinna launa fyrri vinnuveitanda skuli einnig færast við aðilaskiptin yfir á þann sem tekur við atvinnurekstrinum.

Í svokölluðu Fréttablaðsmáli frá 2005 komst Hæstiréttur Íslands hins vegar að gagnstæðri niðurstöðu og sýknaði nýjan útgefanda blaðsins af kröfum starfsmanns sem átti inni ógreidd laun þegar blaðið skipti um eigendur.

Í febrúar sl. sendi ESA rökstutt álit til Íslands þar sem sagði m.a. að lögin í túlkun Hæstaréttar tryggi launafólki ekki að fullu þau réttindi sem tilskipunin kveði á um. Alþingi samþykkti breytingu á lögunum þannig að þau taka af öll tvímæli um skyldur atvinnurekanda að þessu leyti.

 

Nánari upplýsingar veitir:


Mr. Ingvar Sverrisson
Officer
Internal Market Affairs Directorate
tel. (+32)(0)2 286 1832

 

 





Other EEA Institutions


imgbanner3
This website is built with Eplica CMS