Browse by year:


Internal Market

Matvælaöryggi: Eftirlitstofnun EFTA samþykkir eftirlits áætlun vegna hrossakjötsmálsins

21.2.2013

PR(13)15 - Icelandic version

Eftirlitstofnun EFTA (ESA) samþykkti í dag að tekin yrði upp samræmd eftirlitsáætlun vegna hrosskjötsmálsins í Noregi og á Íslandi. Áætlunin var kynnt á fundi í Brussel í dag.

Á fundi Ráðgjafanefndar EFTA um dýraheilbrigðismál (EFTA Veterinary and Phytosanitary Committee) kynntu Noregur og Ísland þær aðgerðir sem nú þegar hefur verið gripið til vegna þessa máls.  Í kjölfar þessa kynnti ESA samræmda eftirlits áætlun til að tryggja samræmd vinnubrögð eftirlitsaðila í viðkomandi löndum hvað varðar sýnatökur, rannsóknir og tilkynningar. Ráðgjafarnefndin studdi tillögu ESA um upptöku þessarar áætlunar.

Vinna samkvæmt áætluninni mun taka einn mánuð en verður hugsanlega framlengd um aðra tvo ef ástæða þykir til. Viðfangsefni þessarar áætlunar er:

  • Að kanna hvort ómerkt hrossakjöt sé að finna í matvörum: Rannsakað verður, fyrst og fremst með úrtaki úr matvöruverslunum, hvort vörur í neytendaumbúðum sem markaðssettar eru sem nautakjöt innihaldi hrossakjöt.
  • Greining hugsanlegra lyfjaleifa phenylbutazone í hrossakjöti sem ætlað er til manneldis: Til rannsókna verður tekið 1 sýni fyrir hver 50 tonn af hrossakjöti sem ætlað er til manneldis.

Noregur og Ísland mun gera ESA grein fyrir niðurstöðum úr þessum rannsókna svo sem upplýsingum um sýnatökur, rannsóknaraðferðir og eftirfylgni í samræmi við niðurstöður.  Ef niðurstöður rannsóknanna gefa tilefni til verður uppruni hrossakjötsins rakin og þau lönd þar sem viðkomandi hrossum var slátrað upplýst um niðurstöðurnar.

Öllum niðurstöðum verður komið á framfæri við Framkvæmdastjórn Evrópusambandsins sem og í gegnum viðvörunarkerfið fyrir matvæli og fóður (Rapid Alert System for Food and Feed) þannig að niðurstöðurnar séu aðgengilegar yfirvöldum allra landa innan evrópska efnahagssvæðisins.

Tilmælin er hægt að nálgast hér.


Frekari upplýsingar veitir:

Trygve Mellvang-Berg
Press & Information Officer
tel. (+32)(0)2 286 18 66
mob. (+32)(0)492 900 187




Other EEA Institutions


imgbanner4
This website is built with Eplica CMS