Browse by year:


Internal Market

Innri markaður: Ísland verður að afnema skilyrði um stofnsetningu erlendra starfsmannaleiga

11.4.2013

PR(13)31 - Icelandic version

Ísland verður að heimila starfsmannaleigum frá öðrum EES-ríkjum að veita þjónustu sína hér á landi án þess að setja það skilyrði að þær verði að stofnsetja sig á Íslandi. Þetta er niðurstaða rökstudds álits Eftirlitsstofnunar EFTA.

Samkvæmt íslenskum reglum og stjórnsýsluframkvæmd eru erlendar starfsmannleigur ekki viðurkenndar sem vinnuveitendur með tilliti til skattalegrar meðferðar nema þær stofnsetji sig á Íslandi. Fyrst þá geta starfsmannaleigurnar fengið kennitölu sem er skilyrði fyrir skráningu þeirra á launagreiðendaskrá RSK.

ESA telur að slík skilyrði brjóti gegn EES rétti.

Samkvæmt EES rétti, geta EES ríkisborgarar valið hvort þeir reka starfsemi sína í öðru EES ríki í gegnum stofnsett fyrirtæki í því ríki, eða með því að veita þjónustu sína beint frá því EES ríki þar sem þeir eða fyrirtæki þeirra eru stofnsett. Þessar leiðir verða að vera mögulegar með tilliti til skattalöggjafar EES ríkjanna. Umrædd skilyrði samkvæmt íslenskum reglum útiloka hins vegar að starfsmannaleigur veiti slíka þjónustu yfir landamæri.

ESA telur að málið geti verið leyst með því að innleiða tilkynningarkerfi í stað skilyrðis um stofnsetningu en slíkt kerfi myndi mæta þörfum skattayfirvalda varðandi upplýsingar um erlenda launagreiðendur, starfsmenn þeirra og innheimtu skatta.

Rökstudda álitið telst lokaaðvörun til Íslands. Ísland fær tvo mánuði til að gera viðeigandi ráðstafanir til að bregðast við álitinu ella getur ESA ákveðið að fara með málið fyrir EFTA-dómstólinn.

 

Nánari upplýsingar veitir:

Mr. Trygve Mellvang-Berg
Fj
ölmiðlafulltrúi ESA
sími. (+32)(0)2 286 18 66
farsími. (+32)(0)492 900 187




Other EEA Institutions


imgbanner2
This website is built with Eplica CMS