Browse by year:


Internal Market

Tafir á innleiðingu: Íslandi stefnt vegna fjögurra tilskipana sem ekki hafa verið innleiddar innan tilskilinna fresta

11.7.2013

PR(13)69 - Icelandic version

Eftirlitsstofnun EFTA (ESA) mun stefna Íslandi fyrir EFTA dómstólinn í fjórum málum. Málin varða tilskipanir sem ekki hafa verið innleiddar innan tilskilinna fresta.   

  • Tilskipun 2008/122/EB samræmir reglur varðandi samninga um nýtingu fasteigna á skiptileigugrunni og tekur til breyttra markaðsaðstæðna og nýs andlags s.s. hvað varðar félag um orlof, endursölu og skipti.
    Íslandi bar að innleiða tilskipunina fyrir 1. nóvember 2011.
  • Tilskipun 2001/81/EB setur landsbundin efri mörk losunar fyrir tiltekin loftmengunarefni, en heimilar aðildarríkjunum að mestu leyti að ákveða hvaða ráðstöfunum skuli beitt til þess. Tilskipunin miðar að því að vernda umhverfið og heilsu manna með því að tryggja að losun mengandi efna haldist undir markstyrk.
    Íslandi bar að innleiða tilskipunina fyrir 1. janúar 2012.
  • Tilskipun 2009/22/EB er uppfærð útgáfa af tilskipun 98/27/EB. Tilskipunin tryggir verndun sameiginlegra hagsmuna neytenda innri markaðarins með því að sjá til þess að ráðstafanir séu til staðar til stöðvunar brota á hagsmunum neytenda.
    Íslandi bar að innleiða tilskipunina fyrir 1. janúar 2012.
  • Tilskipun 2009/44/EB breytir tilteknum reglum varðandi verndun uppgjörskerfa og samninga um fjárhagslegar tryggingarráðstafanir. Tilskipunin miðar að því að tilskipun 98/26/EB um endanlegt uppgjör í greiðslukerfum og uppgjörskerfum fyrir verðbréf, og tilskipun 2002/47/EB um fjárhagslegar tryggingaráðstafanir séu í samræmi við breytingar á reglum og mörkuðum sem orðið hafa eftir gildistöku þeirra. Um er að ræða tvö megin úrræði EES réttar á sviði uppgjörs og greiðslujöfnunar og hvað varðar fjárhagslegar tryggingaráðstafanir.
    Íslandi bar að innleiða tilskipunina fyrir 1. febrúar 2012. 

Þar sem Alþingi hefur ekki gert viðeigandi ráðstafanir til innleiðingar eins og vonir stóðu til,  mun ESA fara með málið fyrir EFTA-dómstólinn.

Sé nánari upplýsinga óskað, vinsamlega hafið samband við:

Mr. Xavier Lewis
Director, Department og Legal and Executive Affairs
Tel: (+32)(0)2 286 18 30




Other EEA Institutions


imgbanner5
This website is built with Eplica CMS