Browse by year:


State Aid

Auglýst eftir athugasemdum vegna rannsókna á endurreisn viðskiptabanka á Íslandi

10.2.2011

PR(11)08 - Icelandic version

Eftirlitsstofnun EFTA (ESA) kallar eftir athugasemdum við ákvörðunum stofnunarinnar um að hefja rannsókn á stuðningi ríkisins á árunum 2008 og 2009 við björgun á innlendri starfsemi íslensku viðskiptabankanna þriggja, Glitnis, Kaupþings og Landsbanka sem og við stofnun og endurfjármögnun arftaka þeirra, sem nú nefnast Íslandsbanki, Arion banki og NBI (Landsbankinn).

Samkeppnisaðilar, hagsmunaaðilar og aðrir sem telja sig málin varða, eiga þess nú kost að senda athugasemdir til ESA. Frestur til þess rennur út þann 11. mars 2011.

Formlegar rannsóknir á opinberum stuðningi við endurreisn viðskiptabankanna þriggja hófust þann 15. desember á síðasta ári, sjá fréttatilkynningu ESA nr. 10/69.

Ákvarðanir ESA um rannsóknirnar birtast í dag í Stjórnartíðindum Evrópusambandsins, ásamt þýðingum á útdrætti þeirra á þjóðtungur allra 27 aðildarríkja ESB, sjá Stjórnartíðindi Evrópusambandsins – 10. febrúar 2011. Útdráttur á íslensku er í dag einnig birtur í EES-viðbæti Stjórnartíðinda Evrópusambandsins. Hann má nálgast á bls. EES-viðbæti 7/2011 frá 10. febrúar 2011. Ákvarðanirnar í heild að undanskildum trúnaðarupplýsingum er að finna á ensku á vefsíðu ESA, ákvarðanir nr. 492/10, 493/10 og 494/10.

Íslenskum yfirvöldum verður gefinn kostur á að tjá sig um framkomnar athugasemdir. Unnt er að óska nafnleyndar í samræmi við gildandi málsmeðferðarreglur, sbr. 6. gr. bókunar 3, um störf og valdsvið eftirlitsstofnunar EFTA á sviði ríkisaðstoðar, við samning milli EFTA-ríkja um stofnun eftirlitssofnunar og dómstóls.

Athugasemdir skulu sendar á neðangreint póstfang eða á netfangið registry@eftasurv.int.

 

Frekari upplýsingar veitir:

Trygve Mellvang-Berg
Fjölmiðlafulltrúa ESA
sími +32 2 286 1866
farsími +32 492 90 01 87




Other EEA Institutions


imgbanner2
This website is built with Eplica CMS