Browse by year:


State Aid

Ríkisaðstoð: Endurnýjun raforkusamnings Landsvirkjunar og Norðuráls felur ekki í sér ríkisaðstoð

24.10.2016

PR(16)46 – Icelandic version

EN  | IS

Endurnýjun samnings Norðuráls við Landsvirkjun um kaup á raforku felur ekki í sér ríkisaðstoð þar sem hann er gerður á markaðskjörum. 

Þetta er niðurstaða Eftirlitsstofnunar EFTA (ESA) sem gefin var út í dag.

Íslensk stjórnvöld tilkynntu ESA um þriðju endurnýjun samnings Landsvirkjunar, um sölu raforku til álvers Norðuráls á Grundartanga í Hvalfirði, í maí 2016. Upprunalegur samningur fyrirtækjanna tveggja var undirritaður árið 1997 en hann hefur nú verið framlengdur tvisvar. ESA lagði mat á samningsskilmálana og þær breytingar sem gerðar voru frá fyrri samningum. ESA kynnti sér auk þess arðsemisútreikninga sem Landsvirkjun lagði til grundvallar samningnum.

Landsvirkjun lagði fram yfirgripsmikil gögn sem sýna, að mati ESA, að samningurinn er í samræmi við sambærilega samninga sem önnur raforkufyrirtæki á Norðurlöndunum hafa gengist undir. Endurnýjaður samningur er tengdur við markaðsverð raforku á Nord Pool raforkumarkaðnum og kemur það í stað álverðstengingar í gildandi samningi. Þá er samningurinn arðsamur og skilmálar hans slíkir að einkarekið fyrirtæki myndi samþykkja hann við sambærilegar aðstæður. Því er ekki um að ræða ríkisaðstoð, að mati ESA.

Opinber útgáfa ákvörðunarinnar verður birt á vefsíðu ESA, væntanlega innan eins mánaðar.

Nánari upplýsingar veitir:

Ásdís Ólafsdóttir
Upplýsingafulltrúi
Sími. (+32)(0)2 286 18 97
Farsími. (+32)(0)490 57 63 49




Other EEA Institutions


imgbanner1
This website is built with Eplica CMS